თბილისის საკრებულომ დედაქალაქის 2015 წლის ბიუჯეტი უნდა დაამტკიცოს

თბილისის საკრებულომ დედაქალაქის 2015 წლის ბიუჯეტი უნდა დაამტკიცოს

თბილისის საკრებულომ დღეს დედაქალაქის 2015 წლის ბიუჯეტი უნდა დაამტკიცოს.

"ამ მოცულობის ბიუჯეტი თბილისს არ მიუღია, ეს არის 803 - მილიონიანი ბიუჯეტი, მეორე - ოცი ახალი პროგრამა ემატება ბიუჯეტს, რომელიც არის მიმართული ჩვენი მოსახლეობის კეთილდღეობისათვის და მესამე - ეს არის სწორედ პასუხი ჩემს ოპონენტებს, მსგავსი ჩაშლილი ბიუჯეტი, პროგრამული ბიუჯეტი თბილისს დღემდე არ მიუღია", - აცხადებს საკრებულოს ქონების მართვისა და საფინანსო-საბიუჯეტო კომისიის თავმჯდომარემ ჯაბა სამუშია.

ბიუჯეტთან დაკავშირებით კომენტარი თბილისის მერის მოადგილემ გიორგი ხელაიამაც გააკეთა.

"რჩება პრიორიტეტები ისევ ჯანდაცვა და სოციალური მიმართულება, ინფრასტრუქტურა, რჩება გამგეობების დაფინანსების ზრდა, ბაგა-ბაღების დაფინანსება და მთლიანობაში გამწვანებითი ღონისძიებები",-აცხადებს გიორგი ხელაია.

 საკრებულოში "ნაციონალური მოძრაობის" წარმომადგენლები  ბიუჯეტის პროექტს  მხარს არ დაუჭერენ.

"მიდინარე პროექტები, რომელსაც ჩვენ წლების განმავლობაში ვახორციელებდით, გრძელდება, ამით თავის მოწონება ნათლად მიუთითებს დავით ნარმანიას გუნდის უუნარობაზე",-აცხადებს ირაკლი აბესაძე.

შეგახსენებთ, თბილისის მერიამ თბილისის 2015 წლის ბიუჯეტის პროექტი 11 ნოემბერს გამოაქვეყნა.

საიტის კომენტარები (0)

Facebook კომენტარები: