საგარეო საქმეთა სამინისტრო გასული წლის ანგარიშს წარადგენს
საგარეო საქმეთა სამინისტრო დღეს საზოგადოებას გასული წლის ანგარიშს წარუდგენს. თამარ ბერუჩაშვილი საქართველოს ხელისუფლების მიერ 2013-2014 წლებში საგარეო პოლიტიკური მიმართულებით მიღწეულ წარმატებებზეც ისაუბრებს.
ღონისძიებაზე მიწვეული არიან მინისტრთა კაბინეტის წევრები, დიპლომატიური კორპუსისა და სამოქალაქო სექტორის წარმომადგენლები. საგარეო საქმეთა მინისტრი იმ პრიორიტეტებზეც ისაუბრებს, რომელიც მიმდინარე წლისთვის უნდა განხორციელდეს.
