მუნიციპალური განვითარების ფონდს ილია დარჩიაშვილი უხელმძღვანელებს

რეგიონალური განვითარებისა და ინფრასტრუქტურის სამინისტროს ინფორმაციით მუნიციპალური განვითარების ფონდს ილია დარჩიაშვილი უხელმძღვანელებს.

სამინისტროს ინფორმაციით,  მინისტრის პირველმა მოადგილემ, გიორგი ამაშუკელმა, რომელიც დროებით ითავსებდა მუნიციპალური განვითარების ფონდის აღმასრულებელი დირექტორის პოზიციას, აღნიშნული თანამდებობა  საკუთარი განცხადების საფუძველზე დატოვა. იგი კვლავ რჩება რეგიონული განვითარებისა და ინფრასტრუქტურის მინისტრის პირველი მოადგილის პოსტზე, რომელსაც 2014 წლის ივლისიდან იკავებს. გიორგი ამაშუკელი, ასევე,  უშუალოდ გაუწევს კურირებას მუნიციპალური განვითარების ფონდს.