რატომ ვერ გაბედავს ბიძინა ივანიშვილი ირაკლი ალასანიას დაჭერას?
"ივანიშვილს არ ეყოფა გამბედაობა, რომ ეს გააკეთოს-ამის შესახებ განცხადება ირაკლი ალასანიამ გადაცემა "რეაქციაში" სტუმრობისას გააკეთა. მისი თქმით, ივანიშვილს მისი დაწრა დიდი ხანია უნდა.
"მას ეს უნდოდა ჯერ კიდევ აგვისტოში, ამიტომაც მისცა დავალება პროკურატურას, რომ ჩემს წინააღმდეგ საქმე შეეთითხნათ. მთელი დოკუმენტაცია, რაც არსებობდა თავდაცვის სამინისტროში ყველაფერი პროკურატურაში წაიღეს მაგრამ ვერაფერი იპოვეს და ვერც იპოვიან. ის ვერ გაბედავს ამის გაკეთებას, მეტიც, მე მას მივმართე, რომ თუ მას აქვს ჩემთან კითხვები, დავსხდეთ ეთერში, მეც მაქვს მასთან კითხვები, და ერთხელდა წსამუდამოდ დავამთავროთ. მთავარია საზოგადოებამ დაინახოს, ვის აქვს არგუმენტები, ვის შეუძლია საკუთარი პოზიციის სწორად წარმოსახვა, იმიტომ, რომ ეს ყველაფერი ძალიან ვნებს სახელმწიფოს, ეს ვნებს ხალხის არჩევანს რომელიც კიდევ ერთხელ გამოიკვეთა რეიტინგებში"-განაცხადა ირაკლი ალასანიამ.
