ნაციონალურმა მოძრაობამ ძალოვან მინისტრებთან შეხვედრა დატოვა

ნაციონალურმა მოძრაობამ ძალოვან მინისტრებთან შეხვედრა დატოვა. ოპოზიციის გადაწყვეტილების მიზეზი კომიტეტის მუშაობის ფორმატი და კითხვებისთვის დროის სიმცირე გახდა.

პროტესტი ვახტანგ ხმალაძის განაცხადებას მოჰყვა, რომ უმცირესობის წევრებს მთავრობის წარმომადგენლებისთვის შეკითხვების დასამელად 2 წუთი გამოუყო. ნაციონალურ მოძრაობაში აცხადებენ, რომ ეს დრო ძალიან მცირეა. 

"უმრავლესობამ პარლამენტი მსმენელთა დარბაზად აქცია," - განაცხადა გიორგი ვაშაძემ. 

ნაციონალური მოძრაობის წევრები მომდევნო საკომიტეტო მოსმენებზე შეკითხვების დასამელად მეტ დროს ითხოვენ. ამის შემდეგ გახდება ცნობილი, დაესწრებიან, თუ - არა, ისინი კომიტეტის სხვა სხდომებს.

მანამდე ნაციონალური მოძრაობის წევრებმა ბანერები მიიტანეს. ისინი აღნიშნავენ, რომ ბანერებზე ასახულია დღევანდელი რეალობა და ლარის დევალვაცია. ბანერების გამოყენება მათ, სავარაუდოდ, ფრაქციის სხდომაზე სურთ.