Iverioni
«    ივლისი 2019    »
1234567
891011121314
15161718192021
22232425262728
293031 
ივლისი 2019 (1)
ივნისი 2019 (11)
მაისი 2019 (14)
აპრილი 2019 (9)
მარტი 2019 (9)
თებერვალი 2019 (10)
22-11-2012, 17:07
ნანახია: 1375

ბუტა რობაქიძის დედა პროკურატურაში დაიბარეს

საქართველოს მთავარ პროკურატურაში ერთი  საათის წინ ბუტა რობაქიძის დედა ია მეტრეველი შევიდა. როგორც ია მეტრეველმა პროკურატურაში შესვლამდე ჟურნალისტებს განუცხადა,   გუშინ საღამოს  პროკურორმა ბაკურ ჩიქოვანმა დაურეკა, რომ დღეს პროკურატურაში მისულიყო.


"დამირეკეს პროკურატურიდან და მოსვლა მთხოვეს. ალბათ შეკითხვებს უნდა ვუპასუხო ბუტასთან დაკავშირებით. მე პირადად ირაკლი ოქრუაშვილის დაკითხვის მოთხოვნით არანაირი განცხადება არ შემიტანია პროკურატურაში. თავისთავად გამოძიებას ექნება ალბათ შეკითხვები ოქრუაშვილთან. ოქრუაშვილი იმ პერიოდში შს მინისტრი იყო, მაგრამ ერთი კვირის შემდეგ  ვანო მერაბიშვილმა შეცვალა. მე, რა თქმა უნდა, ირაკლი ოქრუაშვილთან დაკავშირებით კითხვები მაქვს, მაგრამ გამოძიება როგორც  საჭიროდ ჩათვლის, ისე იქნება", - განაცხადა ია მეტრეველმა.


ია მეტრეველი ბუტა რობაქიძის საქმის ახალ დეტალებზეც საუბრობს.


„არსებობს ცოცხალი მოწმე, რომელიც თავად შეესწრო იმ ფაქტს, როდესაც მაშინდელმა საპატრულო პოლიციის უფროსმა, მიქაძემ იარაღები  ვაკის პოლიციიდან გაიტანა. სწორედ ეს ავტომატი  დაუდეს ბუტას და დანარჩენი არსენალი კი ბუტას მეგობრებს ჩაუდეს", - განაცხადა ია მეტრეველმა.