მე-18 მსჯავრდებულთა და ბრალდებულთა სამკურნალო დაწესებულებაში პატიმარი გარდაიცვალა
სასჯელაღსრულების, პრობაციისა და იურიდიული დახმარების საკითხთა სამინისტროს ინფორმაციით, დღეს მსჯავრდებული თ.დ გულ-სისხლძარღვთა მწვავე უკმარისობის დიაგნოზით მე-8 საპყრობილიდან სამკურნალო დაწესებულებაში გადაიყვანეს.
"სამკურნალო დაწესებულებაში პაციენტი მოთავსდა ანესთეზია-რეანიმაციისა და ინტენსიური თერაპიის განყოფილებაში, სადაც ჩაუტარდა რეანიმაციული ღონისძიებები. სამწუხაროდ, პატიმრის სიცოცხლის გადარჩენა ვერ მოხერხდა. გარდაცვალების მიზეზი გულ-სისხლძარღვთა მწვავე უკმარისობა გახდა. აღნიშნული ფაქტის შესახებ უკვე ინფორმირებული არიან გარდაცვლილი პატიმრის ოჯახის წევრები", - ნათქვამია სოზარ სუბარის უწყების განცხადებაში.
სამინისტრო უსამძიმრებს გარდაცვლილის ოჯახსა და ახლობლებს.
გარდაცვალების ფაქტის გამომწვევი მიზეზების დადგენის მიზნით, მიმდინარეობს გამოძიება.
