პრეზიდენტის გადადგომის მოთხოვნით აქციები გრძელდება

მიხეილ სააკაშვილის გადადგომის მოთხოვნით აქციები გრძელდება. დღეს 15:00 საათზე ქუთაისის ლადო მესხიშვილის თეატრში  მოსახლეობასთან შეხვედრა შედგება.

პარტია „თეთრები“ პრეზიდენტის გადადგომის მოთხოვნით გაერთიანებულ 30 -მდე საზოგადოებრივ ორგანიზაციასთან ერთად აგრძელებენ მოსახლეობასთან შეხვედრებს დასავლეთ საქართველოში.

მოსახლეობასთან შეხვედრის პარალელურად, მემორანდუმზე ხელმომწერი ორგანიზაციები აგროვებენ ხელმოწერებს პრეზიდენტის გადადგომის მოთხოვნით.

შეხვედრები გაიმართება დასავლეთ საქართველოს სხვა ქალქებშიც: მარტვილში, ფოთსა და ბათუმში.

შეგახსენებთ, რომ 19 დეკემბერს ქუთაისში  პარლამენტის მიმდებარე ტერიტორიაზე   სააკაშვილის გადადგომის მოთხოვნით აქცია გაიმართა.

გუშინვე, ქუთაისში „თეთრების“ ლიდერმა, თემურ შაშიაშვილმა ხელი მოაწერა პრეზიდენტის გადადგომის მოთხოვნას.