Iverioni
«    ოქტომბერი 2020    »
 1234
567891011
12131415161718
19202122232425
262728293031 
ოქტომბერი 2020 (4)
სექტემბერი 2020 (6)
აგვისტო 2020 (2)
ივლისი 2020 (6)
ივნისი 2020 (12)
მაისი 2020 (13)
23-04-2014, 12:03
ნანახია: 678

   საყდრისის გადარჩენის საზოგადოებრივი კომიტეტი კულტურისა და ძეგლთა დაცვის მინისტრის საყდრისში სტუმრობასთან დაკავშირებით საგანგებო განცხადებას ავრცელებს. განცხადებას "ივერიონი"  უცვლელად გთავაზობთ:

  

   "საყდრისის ისტორიულ ძეგლთან მიმდინარე კარვების აქციას მეცხრე დღეს საქართველოს კულტურისა და ძეგლთა დაცვის მინისტრი, ბატონი გურამ ოდიშარია ესტუმრა. მინისტრთან შედგა საკმაოდ პროდუქტიული და საქმიანი საუბარი, იმდენად, რამდენადაც ამის საშუალებას ფორმატი იძლეოდა. მინისტრი ოდიშარია აქციის მონაწილეებს სამივე მოთხოვნის შესრულებას დაგვპირდა.

   საყდრისის გადარჩენის საზოგადოებრივი კომიტეტი მადლობას უხდის საქართველოს კულტურისა და ძეგლთა დაცვის მინისტრს გამოჩენილი გულისხმიერებისა და მაღალი ეროვნული თვითშეგნების გამოვლენისთვის.

    როგორც მინისტრმა აღნიშნა, მას აწვდიდნენ არასწორ ინფორმაციას და ჰქონდა მოლოდინი, რომ აქციის მონაწილე ახალგაზრდები აგრესიულად შეხვდებოდნენ, რაც ჩვენი შეფასებით, იმავე დეზინფორმაციული კამპანიის ნაწილია, რომელიც გაურკვეველი ადამიანების მხრიდან ჯერ კიდევ პრემიერ ბიძინა ივანიშვილის დროს მიმდინარეობდა და სახელისუფლებო წრეებში საყდრისთან დაკავშირებით დისონანსი შეიტანა.

    ახალგაზრდებმა მართლაც დაინახეს მინისტრთან საუბრის და მისი სატელევიზიო კომენტარების შემდეგ, რომ გურამ ოდიშარია რეალურად არის დაინტერესებული პრობლემის რაციონალური მოგვარებით, რასაც ვერ ვიტყვით კულტურული მემკვიდრეობის დაცვის სააგენტოს ხელმძღვანელ ბატონ ნიკოლოზ ანთიძეზე, რომელსაც, უკვე აქვს ჩამოყალიბებული პოზიცია საყდრისის სტატუსთან დაკავშრებით, რაც უცილობლად შეუშლის ხელს იმ მონიტორინგის ნაყოფიერად შესრულებაში, რომელიც მას მინისტრმა დააკისრა. შესაბამისად, კომიტეტი ძეგლთა დაცვის სააგენტოს ხელმძღვანელს ნიკოლოზ ანთიძეს უნდობლობას უცხადებს.

    გვინდა კიდევ ერთხელ გამოვხატოთ ღრმა პატივისცემა გურამ ოდიშარიას ქმედებებისა და პრობლემის საქართველოს ინტერესების სასარგებლოდ გადაწყვეტის სურვილის გამო, მხარდაჭერას ვუცხადებთ მინისტრს, რომელიც, ჩვენი შეფასებით, ამჯერად უკვე ნამდვილად მოწოდების სიმაღლეზეა.

   საყდრისის გადარჩენის საზოგადოებრივი კომიტეტი იმედს იტოვებს, რომ მინისტრის ყველა დაპირება, უმოკლეს ვადაში, დოკუმენტალურად გაფორმდება და სწრაფად დაიწყება ქმედითი ნაბიჯები გადადგმული. სწორედ ეს იქნება შეხვედრის რეალური შედეგი.

    იმედს გამოვთქვამთ, რომ მინისტრის სურვილი, რეალურად მოაგვაროს პრობლემა, არ განეიტრალდება საქართველოს არაკეთილმოსურნეთა ქმედებების შედეგად, რომელთა ერთ-ერთ ლიდერს და დაინტერესებულ მხარესაც, ჩვენი აზრით, სწორედ ნიკა ანთიძე წარმოადგენს" - ნათქვამია განცხადებაში.