დავით ზურაბიშვილი: დაბალი აქტივობა სიგნალია ხალხისგან, რაც უნდა გავითვალისწონოთ!
დღეს „დიდუბე პლაზაში“ დავით ზურაბიშვილმა ჟურნალისტებისთვის ბრიფინგი გამართა.
მან კომენტარი გააკეთა არჩევნების შედეგებზე და აღნიშნა, რომ გაყალბებისა და დაღვევების მომენტები იყო, მაგრამ წინა ხელისუფლების მიერ ჩატარებულ არჩევნებთან შედარებით, ეს უდაოდ წინ გადადგმული ნაბიჯი გახლდათ.
„ის დრო, როდესაც მთელი სახელმწიფო მანქანა ჩართული იყო, რომ ხელისუფლებას გაემარჯვა, წარსულს ჩაბარდა და ეს კარგია“ _ აცხადებს ზურაბიშვილი.
ასევე მან განცხადება გააკეთა თბილისის მერის არჩევნებთან დაკავშირებით და ხაზგასმით აღნიშნა, რომ მეორე ტურს ნამდვილად არ ვარაუდობდა და ცოტა მეტი ხალხი რომ მოსულიყო არჩევნებზე, დავით ნარმანია უდაოდ გაიმარჯვებდა.
„დაბალი აქტივობა სიგნალია ხალხისგან, რომელიც უნდა გავითვალისწინოთ!" _ აცხადებს იგი.
