საგამოძიებო სამსახურში სპეციალური ბრიფინგი გაიმართა
ფინანსთა სამინისტროს საგამოძიებო სამსახური გიგი უგულავას უკანონო შემოსავლების ლეგალიზებას ედავება. როგორც უწყებაში ჩატარებული საგანგებო ბრიფინგისას განაცხადეს, უკანონო შემოსავლებით ფინანსდებოდა "ნაციონაური მოძრაობის" წინასაარჩევნო კამპანია.
-"ფინანსთა სამინისტროს საგამოძიებო სამსახურმა განსაკუთრებით დიდი ოდენობით უკანონო შემოსავლის ლეგალიზაციის ფაქტზე დააკავა გიორგი უგულავა. გამოძიებამ დაადგინა, რომ გიგი უგულავა , როგორც დანაშაულებრივი ჯგუფის ხელმძღავნელი, დანაშაულში ჩართულ სხვა წევრებთან ერთად, მათშორის ამავე საქმეზე დაკავებულ მის ქვისლ გიორგი ღონიაშვილთან და ლატარიის კომპანიის ყოფილ დირექტორთან დავით კეზერაშვილის ბიზნესპარტნიორ ალექსანდრე გოგოხიძესთან ერთად ახორციელებდა ერთ-ერთი ოფშორული ზონიდან სქართველოში განსაკუთრებით დიდი ოდენობით ე.წ. შავი ფულის მართლსაწინააღმდეგოდ შემოტანას, რაც შემდგომში უნდა მოხმარებოდა პოლიტიკური პარტიის "ერთიანი ნაციონალური მოძრაობის" წინასაარჩევნო კამპანიის დაფინანსებას",-განაცხადეს ფიონანსთა სამინისტროს საგამოძიებო სამსახურში.
