გიორგი ახვლედიანი:-"არგუმენტირებულად ახსნილი არ არის, თუ რატომ ხდება სამთავრობო ცვლილებები"
მინისტრთა კაბინეტში მომხდარ ცვლილებას "ქრისტიან-დემოკრტიული მოძრაობის" ლიდერი გიორგი ახვლედიანი გამოეხმაურა:
- "პირველად ხდება ჩვენს ქვეყანაში ისეთი რეალობა, როდესაც არგუმენტირებულად ახსნილი არ არის, თუ რატომ ხდება სამთავრობო ცვლილებები. სრულ გაურკვევლობაში ვართ. ალბათ, ეს ცვლილებები იმისთვის გაკეთდა, რომ უბრალოდ ცვლილებები განხორციელებულიყო, ან ბიძინა ივანიშვილმა გაიღვიძა ცუდ ხასიათზე და დაავალა ღარიბაშვილს სასწრაფოდ განეხორციელებინა ეს ცვლილებები, იმიტომ რომ ვერავინ ვერ გავიგეთ, რატომ უნდა გაგვეშვა სახლში ასეთი წარმატებული მინისტრები".
