უშიშროების საბჭოს სხდომა პირველ აგვისტოს გაიმართება
საქართველოს პრეზიდენტმა გიორგი მარგველაშვილმა უშიშროების საბჭოს სხდომას პირველ აგვისტოს მოიწვია.
როგორც უშიშროების საბჭოს განცხადებაშია აღნიშნული, დღის წესრიგით ნატო-ს უელსის სამიტისთვის მზადებასთან დაკავშირებული საკითხების განხილვაა გათვალისწინებული.
უშიშროების საბჭოს მდივნის ირინე იმერლიშვილის განცხადებით, უშიშროების საბჭოს სხდომას საქართველოს პრემიერ-მინისტრი ირაკლი ღარიბაშვილი დაესწრება, ხოლო სხდომაზე მთავარი მომხსენებლები იქნებიან: თავდაცვის მინისტრი ირაკლი ალასანია, საგარეო საქმეთა მინისტრი მაია ფანჯიკიძე და საქართველოს წარმომადგენელი ნატო-ში ლევან დოლიძე.
საბჭოს სხდომა 2014 წლის 1 აგვისტოს 15:00 საათზე, საქართველოს ეროვნული უშიშროების საბჭოს აპარატის დარბაზში (საქართველოს მთავრობის ადმინისტრაციის შენობა, მე-7 სართული) გაიმართება.
