დიმიტრი ხუნდაძე: პატიმარი საკუთარი სურვილისამებრ არ უნდა გადაადგილდებოდეს!

    საპარლამენტო უმრავლესობის ერთ-ერთი წევრი, დიმიტრი ხუნდაძე, ქუთაისის ინფექციური საავადმყოფოდან პატიმრის გაქცევას გამოეხმაურა.

    მისი განცხადებით,  პატიმარი საკუთარი სურვილისამებრ არ უნდა გადაადგილდებოდეს. მანვე აღნიშნა, რომ საგამოძიებო ორგანო შესაბამის სამუშაოს ჩაატარებს.

   "ძალიან ცუდი ფაქტია, არ შეიძლება პატიმარი თავის ნებაზე გადაადგილდებოდეს. ალბათ, ბადრაგიც დაიკითხება და შესაბამისი ორგანოები საჭირო მოქმედებს ჩაატარებენ. სასჯელაღსრულების სისტემაში ვითარების დამძიმებაზე საუბარი, ვფიქრობ, გადაჭარბებული იქნება, რადგან შედარება უნდა გავაკეთოთ იმასთან, რაც ორი წლის წინ იყო. 2012 წლამდე პატიმართა რაოდენობა 3-დან 25 ათასამდე გაიზარდა", - განაცხადა ხუნდაძემ.

  ცნობისთვის, ქუთაისის ინფექციური საავადმყოფოდან მსჯავრდებული რუსლან სოსელია გაიქცა, სადაც ის  სამკურნალოდ იყო მოთავსებული.