გიგა ბოკერია: დოკუმენტი ჩვენი ქვეყნის შიგნით არსებული მდგომარეობის აღმწერაა!

გიგა ბოკერია:  დოკუმენტი ჩვენი ქვეყნის შიგნით არსებული მდგომარეობის აღმწერაა!

  ნაციონალური მოძრაობის" წევრის გიგა ბოკერიას განცხადებით, საქართველოს შესახებ, ევროსაბჭოს მიერ მიღებულ რეზოლუციაში ყველა საკითხი ადეკვატურად არის აღწერილი.

  "კონკრეტული მაგალითებია მოყვანილი, როცა აღკვეთის ღონისძიების მუდმივი გამოყენებით, მაგალითად, თავდაცვის ყოფილი მინისტრი ზის ციხეში, ბაჩო ახალაია. სრული აბუჩად აგდებაა სამართლებრივი მექანიზმების, პრეზიდენტ სააკაშვილის საქმე. ყველა ეს თემა არის აღწერილი ადეკვატურად და კიდევ ერთხელ ხაზს ვუსვამ იმას, რომ პრობლემა არის ის, რომ ეს დოკუმენტი არის ჩვენი ქვეყნის შიგნით არსებული მდგომარეობის აღმწერი",-განაცხადა ბოკერიამ.

  ცნობისთვის, ევროსაბჭომ საქართველოსთან დაკავშირებით მომზადებული რეზოლუცია დაამტკიცა. 103 მომხრე, 27 წინააღმდეგი  -  რეზოლუცია  ამ შედეგით დაამტკიცეს.

  ევროსაბჭომ მონიტორინგის კომიტეტის მიერ მომზადებული დოკუმენტი მხოლოდ ერთი ცვლილებით მიიღო. ეს ცვლილება ივანიშვილთან დაკავშირებულ საკითხს ეხება, სადაც საუბარი იყო იმაზე, რომ ის პოლიტიკიდან წასვლის შემდეგაც ერევა მთავრობის მიერ გადაწყვეტილებების მიღებაში. საბოლოოდ, ეს ნაწილი დოკუმენტში აღარ არის.

საიტის კომენტარები (0)

Facebook კომენტარები: