დაჩი ცაგურია:დღეს საზოგადოება დემოკრატიულ, თავისუფალ და ევროპულ სახელმწიფოში ცხოვრობს!

  "ნაციოალური მოძრაობა" არ დაფიქრებულან, რომ დღეს გაცილებით უფრო დემოკრატიულ, თავისუფალ და ევროპულ სახელმწიფოში ცხოვრობენ, ვიდრე მაშინ როდესაც თავად მართავდნენ ამ ქვეყანას"?  "საქართველოს რკინიგზის" პრესსამსახურის უფროსი დაჩი ცაგურია "ნაციონალური მოძრაობის" მიერ გამართულ აქციას  facebook-ის საკუთარ გვერდზე გამოეხმაურა.

"ხუმრობა იქით იყოს და დღეს ნაცებს არავინ რომ უყრიდა ბორბლებში შედუღებულ ლურსმნებს, არც მანქანებს ართმევდა და ძრავში რაღაცეებს არ უყრიდა, არც საბურავები დაუჭრია არავის მათთვის და არც არავინ რომ გალახულა, დაჭერებზე და ნარკოტიკების ჩადებაზე აღარ მაქვს საუბარი, არ დაფიქრებულან, რომ დღეს გაცილებით უფრო დემოკრატიულ, თავისუფალ და ევროპულ სახელმწიფოში ცხოვრობენ, ვიდრე მაშინ როდესაც თავად მართავდნენ ამ ქვეყანას? ძალიან საინტერესოა მათი აზრი, ასე იყო მათ დროს გამოხატვის უფლება დაცული? შეკრებისა და მანიფესტაციის უფლებას კი გვახსოვს როგორც იცავდნენ ეს "ევროპის სიოს ექსკლუზიური წყაროები" და "შუქურები დემოკრატიის" (სტილი დაცულია)", -წერს ცაგურია.