მანანა კობახიძე:ირაკლი ალასანიას საარჩევნო კამპანია უკვე დაწყებული აქვს!
ირაკლი ალასანიას წინასაარჩევნო კამპანია უკვე დაწყებული აქვს. განცხადება ამის შესახებ საქართველოს პარლამენტის ვიე-სპიკერმა მანანა კობახიძემ გადაცემა "არჩევანში" გააკეთა.
"უხერხულია, თურმე ორი თვის წინ ღარიბაშვილი იყო დამოუკიდებელი, მთავრობა იყო ეფექტური, ბიძინა ივანიშვილი იყო კარგი და არ ერეოდა არაფერში. ახლა, როცა მათ პირად სფეროს შეეხო საკითხი, თურმე ქვეყანა ინგრევა.
ირაკლი ალასანიას საარჩევნო კამპანია უკვე დაწყებული აქვს, თუმცა ოპოზიციაში მხოლოდ "ნაციონალური მოძრაობის" ყოფნას სჯობია, იყოს ირაკლი ალასანია ან მაია ფანჯიკიძე, იმიტომ რომ მათი წარსული წამებასთან, სისხლისღვრასთან და უბედურებასთან არ არის დაკავშირებული.
უმჯობესია, საზოგადოებას ჰყავდეს ასეთი ოპოზიცია, თუმცა მათ სინდისზე იყოს, როდის იყვნენ მართლები, 2 თვის წინ თუ ახლა,"- განაცხადა კობახიძემ.
