თავდაცვის მინისტრი ირაკლი ალასანია დღეს გაერთიანებული შტაბის ხელმძღვანელ პირებს შეხვდა. შეხევდრას გენერალი გიორგი კალანდაძეც დაესწრო. გაერთიანებული შტაბის უფროსი უწყებაში პატიმრობიდან გათავისუფლების შემდეგ დღეს პირველად მივიდა. შეხვედრაზე თავდაცვის მინისტრმა უწყების გეგმებზე და შეიარაღებულ ძალებში მონიტორინგის მიმდინარეობაზე ისაუბრა. ირაკლი ალასანიას განცხადებით, “უდანაშაულობის პრეზუმცია არის ჩვენი ქვეყნის სამართლიანობის მთავარი პრინციპი. სწორედ ამიტომაც, ვიდრე ნებისმიერი ინკრიმინირებული დანაშაული დამტკიცებული არ იქნება სასამართლოში, ყველა ადამიანი უდანაშაულოა.
იმის გამო, რომ მიმდინარეობს გამოძიება, ორშაბათს შესაძლებელია გენერალ კალანდაძის უფლებამოსილების შეწყვეტის საკითხი იყოს მიღებული. თუმცა ეს იმას არ ნიშნავს, რომ შევჩერდებით. ჩვეულებრივად ვაგრძელებთ მუშაობას, ვემსახურებით ჩვენს ქვეყანას, მის თავდაცვისუნარიანობას”.