ბიძინა ივანშვილი წარსულის ადამიანია. მათ გადაიბარეს სააკაშვილის მეთოდები და ამ წარსულს გადავაყოლებთ ჩვენ ბიძინა ივანიშვილსაც 2016 წელს. ეს განცხადება, თავდაცვის ყოფილმა მინისტრმა , ირაკლი ალასანიამ ტელეკომპანია "იმედის" ეთერში გადაცემა "რეაქციაში" საუბრისას გააკეთა. ალასანიას განცხადებით, 2012 წლის შემდეგაც ყველა რეგიონს მართავს სუსი და ვერცერთი არცეული გამგებელი თუ მერი, "სუს"-ის დაუკითხავად ვერცერთ ნაბიჯს ვერ დგამს. "ან საერთოდ დაანებოს თავი პოლიტიკას, ან მოვიდეს და აიღოს პასუხისმგებლობა. ესე კულვარებიდან, რომ მე არაფერი არ მეხება და რეალურად ყველაფერს შენ წყვეტ ეს არის უსამართლობა საკუთარი ხალხის დაცინვა და ამ ცინიზმს საზოგადოება მას არ აპატიებს,"-განაცხადა ალასანიამ.