საქართველოს პარლამენტის თავჯდომარე, დავით უსუფაშვილი აცხადებს, რომ საქართველოსა და რუსეთს შორის ურთიერთობა მკვეთრად დაიძაბა. აღნიშნული განცხადება პარლამენტის თავმჯდომარემ "რადიო თავისუფლებასთან" გააკეთა.
"თბილისის ურთიერთობა რუსეთთან ცუდიდან უარესისკენ შეიცვალა, რამდენადაც ის, რაც დღეს ხდება უკრაინაში, არის იმ პროცესის გაგრძელება, რომელიც 2008 წლის აგვისტოში საქართველოში დაიწყო", - განაცხადა უსუფაშვილმა.
უსუფაშვილი განმარტავს, რომ რუსეთის მიმართ ბრაზი რეზოლუციებისა და განცხადებების საშუალებებით უნდა გამოიხატოს.
"მე ჩემს ბრაზს გამოვხატავ პარლამენტის რეზოლუციებისა და განცხადებების საშუალებით, რადგანაც არაგონივრული იქნებოდა ჩვენი დამოკიდებულების პირდაპირ გამოხატვა - იარაღის ხელში აღებითა და ბრძოლით. ჩვენ კარგი გაკვეთილები მივიღეთ 2008 წელს", - განაცხადა უსუფაშვილმა.
წყარო:"რადიო თავისუფლება"