"თეთრების" ლიდერის, თემურ შაშიაშვილის განცხადებით ე.წ ქართველთა კონგრესი 5 ოქტომბრამდე ქვეყნი გადარჩენის პროგრამაზე მუშაობას დაასრულებს. შაშიაშვილი ქვეყანაში არსებულ პოლიტიკური მოვლენებზეც საუბრობს და ირწმუნება, რომ ბიძინა ივანიშვილი გაკოტრდა, ნაციონალურ მოძრაობას კი სათავეში გიორგი მარგველაშვილი ან ირაკლი ალასანია ჩაუდგება:
"დღეს ქვეყანში გაცილებით დიდი დეპრესიაა, ვიდრე ოდესმე ყოფილა. 2012 წლის 1 ოქტომბერი გეოგრაფიული სიმაღლე აღმოჩნდა, რომელიც "ოცნებამ" ერთხელ აიღო და მაშინვე ქვემოთ დაეშვა. დღეს საქართველო ბანკირის ფსიქოლოგიით იმართება. ეს კარგი მხოლოდ ბანკშია , არათუ ქვეყანაში, ოჯახშიც მიუღებელია, ბიძინა ივანიშვილი ძალიან ეჭვიანი კაცია და ყველა, ვინც არ ეთანხმება, მტრად მიაჩნია. მონური ფსიქოლოგიის ადამიანები მასავით არავის ყვარებია. ბიძინა ივანიშვილი არაფრის აზრზე არაა- მარტო ბანკის მართვა იცის, ისიც სხვების დახმარებით. ის ყველაზე რთულ ვითარებაშია მან დაკარგა ავტორიტეტი და კარგავს ფულსაც. უფულო ივანიშვილი კი არავის სჭირდება."- აცხადებს შაშიაშვილი.
მისი თქმით დასავლეთი "ნაციონალური მოძრაობის" ცვლილებას გეგმავს:
"ამ პარტიას სააკაშვილს და სხვა ოდიოზურ ფიგურებს მოაცილებენ, წინ სხვებს წამოსწევენ და ამ პარტიას სათავეში ირაკლი ალასანია ან მარგველაშვილი ჩაუდგება. მერე შესაძლოა რესპუბლიკური პარტიაც შეუერთონ და ახალ სიმბიოზს მივიღებთ"- პროგნოზირებს ქართველთა კონგრესის ერთერთი ლიდერი.
წყარო: „ვერსია“