ნოდარ ხადური ევროპის რეკონსტრუქციისა და განვითარების ბანკის წარმომადგენლებს შეხვდა. EBRD-ის წარმომადგენლებთან გაცნობითი ხასიათის შეხვედრა ფინანსთა სამინისტროში გაიმართა.
ევროპის რეკონსტრუქციისა და განვითარების ბანკი ქვეყანაში აქტუალურად თანამშრომლობს როგორც სახელმწიფო, ასევე კერძო სექტორთან. ამჟამად EBRD-ი სხვა დონორებთან ერთად აფინანსებს ისეთ სექტორებს, როგორიცაა: ენერგეტიკა, ინფრასტრუქტურა, წყალმომარაგების სისტემების გაუმჯობესება რეგიონებში, კანალიზაციის სისტემების რეაბილიტაცია, მყარი ნარჩენების მართვა და სხვა.
"ეს შეხვედრა წინაპირობაა იმისა, რომ საქართველოში ეკონომიკა განვითარდება და საქართველო თავად მიიღებს მონაწილეობას ისეთ პროექტებში, რომელსაც EBRD-ი ახორციელებს", _ განაცხადა შეხვედრაზე მინისტრმა.