ივერიონი / ტყიბულში სიმამრმა სიძეს სასიკვდილო ჭრილობა მიაყენა

ტყიბულში სიმამრმა სიძეს სასიკვდილო ჭრილობა მიაყენა

შინაგან საქმეთა სამინისტრო ტყიბულში მომხდარ მკვლელობაზე ინფორმაციას ავრცელებს. უწყების ცნობით, იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის თანამშომლებმა, ცხელ კვალზე ჩატარებული ოპერატიულ-საგამოძიებო ღონისძიებების შედეგად, 1957 წელს დაბადებული მერაბ გ. განზრახ მკვლელობის ბრალდებით დააკავეს.

 

გამოძიებიების ცნობით, ბრალდებულმა ტყიბულის რაიონის სოფელ საწირეში, ურთიერთშელაპარაკებისას, ცივი იარაღით სასიკვდილო ჭრილობა მიაყენა სიძეს - 1972 წელს დაბადებულ პაატა კ-ს, რომელიც ადგილზე გარდაიცვალა.

 

შსს-ს ცნობით, სამართალდამცველებმა ბრალდებული შემთხვევის ადგილზევე დააკავეს. პოლიციამ დანაშაულის იარაღი - დანა ნივთმტკიცებად ამოიღო. დაკავებული ჩადენილ დანაშაულს აღიარებს.

 

გამოძიება განზრახ მკვლელობის ფაქტზე მიმდინარეობს საქართველოს სისხლის სამართლიდ კოდექსის 108-ე მუხლით.

15-01-2016, 15:26
უკან დაბრუნება