ბაქოში ბიძინა ივანიშვილის ვიზიტამდე, აზერბაიჯანელი ექსპერტები შეხვედრის შედეგების შესახებ პროგნოზებს აკეთებენ.
"ვესტი.აზ"-ის მიერ გამოქვეყნებულ ვრცელ სტატიაში პოლიტიკური კვლევის ცენტრის ანალიტიკოსი მიიჩნევს, რომ საქართველო-აზერბაიჯანს შორის სტრატეგიული ურთიერთობებია და ვინც არ უნდა მოვიდეს საქართველოს მთავრობაში, ამ სტრატეგიული ტოტის მოჭრას არ დაიწყებს.
აზერბაიჯანის პოლიტიკური კვლევების ცენტრის ანალიტიკოსების მეორე ნაწილს კი, ივანიშვილის სამომავლო ქმედებების პროგნოზირება უჭირს. ისინი მიიჩნევენ, რომ ივანიშვილი ურთიერთგამომრიცხავ განცხადებებს აკეთებს, რაც საქართველოს იმიჯს დააზარალებს.