ივერიონი / მიხეილ სააკაშვილი:-"არც ერთი კარგი პოლიტიკური მიზანი სიცრუით და სიყალბით არ მიიღწევა"

მიხეილ სააკაშვილი:-"არც ერთი კარგი პოლიტიკური მიზანი სიცრუით და სიყალბით არ მიიღწევა"

   მიხეილ სააკაშვილი გიგი უგულავას დაკავებას გამოეხმაურა და განაცხადა, რომ დაკავების საფუძველი თავიდან ბოლომდე ყალბია. 

   -"ჩასვეს უგულავა, სანამ გადაწყვეტილებას გამოაცხადებდა, ორი დღით ადრე, სასამართლომ თქვა, რომ მისი დაკავების არც ერთი გარემოება არ არსებობდა. იურისტი ვარ და ეს არის ანი და ბანი იურიდიული მეცნიერების, რომ 48 საათში თუ არაფერი შეიცვალა, ერთი სასამართლოს გადაწყვეტილებას, მეორე იმავე დონის სასამართლო ვერ გააუქმებს, ყველანაირი იურიდიული პროცედურის დარღვევა მოხდა. მეორე საკითხია, რომ ის დაიჭირეს საარჩევნო კომისიაში შევარდნაზე მარნეულში, იქ რომ არჩევნები ყალბდებოდა, ეს ვიდეოზეა გადაღებული და ის რომ მან გაყალბებაზე მოახდინა რეაგირება, ამაზე სასამართლომ გამოიტანა გადაწყვეტილება"-განაცხადა სააკაშვილმა. 

   ექსპრეზიდენტმა ყველას შეახსენა, რომ ვინც სიყალბის და სიცრუის გზით მიდის, ყოველთვის ცუდად ამთავრებს და განსაკუთრებით 21-ე საუკუნეში.

 

6-07-2014, 00:15
უკან დაბრუნება