საქართველოში ამერიკის შეერთებული შტატების ელჩი რიჩარდ ნორლანდი იმედოვნებს, რომ ყოფილიპრეზიდენტის, მიხეილ სააკაშვილის საქმის გამოძიების პროცესში რაიმე ფორმის შურისძიება თავიდან იქნება აცილებული.
„აშშ-ის დეპარტამენტის განცხადებაში ასახულია ის წუხილი, რომელიც აშშ-შია, ყოფილიპრეზიდენტის ბრალდებასთან დაკავშირებით. გამოხატულია ასევე იმედი, რომ სამართლებრივი პროცესის წარმოების დროს მოხდება რაიმე ფორმის შურისძიების თავიდან აცილება. ჩვენ პროცესს ვადევნებთ თვალს და მას დავაკვირდებით", - განაცხადა ნორლანდმა.
ამერიკელი დიპლომატის განმარტებით, მნიშვნელოვანი და აუცილებელია, მართლმსაჯულების პროცედურები და კანონის უზენაესობა იყოს უზრუნველყოფილი.
შეგახსენებთ, რომ აშშ-ის სახელმწიფო დეპარტამენტი მიხეილ საააკშვილისთვის ბრალის წარდგენას გამოეხმაურა.