სასჯელაღსრულების, პრობაციისა და იურიდიული დახმარების მინისტრის სოზარ სუბარის ინფორმაციით, 23 ნოემბრისთვის ამნისტიის მეშვეობით ციხეებს სავარაუდოდ, შვიდასზე მეტი პატიმარი დატოვებს.
" გიორგობისთვის ალბათ, მოესწრება ამნისტია. ეს ზუსტად არ ვიცი, რადგან საკითხი პარლამენტის გადასაწყვეტია. ამ ეტაპზე არც იმის თქმა შემიძლია ამნისტია 700 თუ უფრო მეტ პატიმარს შეეხება. თუმცა, შემიძლია გითხრათ, რომ ამნისტია 700-ზე გაცილებით მეტ ადამიანს შეეხება. მთლიანობაში წლის ბოლომდე ციხეებიდან ძალიან ბევრი ადამიანი გათავისუფლდება, იმ პროცესების გათვალისწინებით, რომელიც ჩვენ დავიწყეთ, პირობითი ვადამდე გათავისუფლება, ამნისტია, სასჯელის შეკრებითობის გაუქმება და ა.შ", - განაცხადა სუბარმა.