ივერიონი / ბიძინა ივანიშვილი დევნილთა სხავდასხვა ობიექტებში შეჭრის ფაქტების გამოძიებას ითხოვს

ბიძინა ივანიშვილი დევნილთა სხავდასხვა ობიექტებში შეჭრის ფაქტების გამოძიებას ითხოვს

დევნილთა სხვადასხვა შენობებში შეჭრის საკითხს მთავრობის სხდომაზე განილხილავენ.


სახელმწიფო კანცელარიაში ახალი მთავრობის პირველი ოფიციალური სხდომა მიმდინარეობს. განსახილველ საკითხთა შორის დევნილთა შეჭრის საკითხიც განიხილება. ამის შესახებ პრემიერ-მინისტრმა ბიძინა ივანიშვილმა სხდომის დაწყებამდე განაცხადა. 

"პირველ საკითხად განსაზღვრულია კერძო ან სახელმწიფო ფართებში უკანონოდ მყოფთა აღრიცხვის მიზნით გასატარებელი ღონისძიებები. ეს ძალიან საინტერესო საკითხია, რომელიც დავით სერგენკომ შემოიტანა. ვიცით, თუ როგორი პროცესები ვითარდება. დღეს დევნილთა სხვადასხვა ობიექტში შეჭრის  ფაქტები ფიქსირდება", - განაცხადა პრემიერ-მინისტრმა.


მისივე თქმით, ეს შემთხვევით არ ხდება და ეს ფაქტები გარკვეული ჯგუფის მიერ ორგანიზებულს ჰგავს, რასაც პრემიერის განცხადებით, გამოკვლევა დასჭირდება.

31-10-2012, 12:40
უკან დაბრუნება