დედაქალაქის მერმა დავით ნარმანიამ და რაიონების გამგებლებმა, საკრებულოს მაჟორიტარმა დეპუტატებმა წინასაარჩევნო სააგიტაციო მასალების ნარჩენებისგან დასუფთავების მასშტაბურ აქციაში მიიღეს მონაწილეობა.
მერის თქმით, ეს არ არის ერთჯერადი აქცია და სააგიტაციო მასალისგან დედაქალაქის გაწმენდა გაგრძელდება იქამდე, ვიდრე თბილისი სრულად არ გასუფთავდება.
"დედაქალაქის იერსახეზე ზრუნვა ყველას ვალია, ეს ჩვენი კულტურის ნაწილად უნდა იქცეს და მომავალში, არჩევნების დასრულებისთანავე, რაც შეიძლება სწრაფად გაიწმინდოს თბილისი", - განაცხადა დავით ნარმანიამ.