“სამართლიანობას ბევრი ადამიანი ელოდება, ეს უნდა იცოდეს ახალმა პარლამენტმა და მთავრობამ. არ გვსურს სიტყვა “ბიზნესმენი” უღირსი ადამიანის სინონიმი იყოს”, — აცხადებს ბიზნესმენი და კომპანია “აი დი აი-ს” დამფუძნებელი გურამ კვირიკაშვილი.
მისი თქმით, უკვე ჩატარებული არჩევნების შემდეგ ბევრი კითხვა დაგროვდა ბიძინა ივანიშვილის მისამართით. აუცილებელია შეხვედრები იმ ბიზნესმენებთან, რომელთა ბიზნესზეც დგას სახელმწიფო. “მთავრობამ აუცილებლად უნდა შექმნას და გააძლიეროს არსებული ინსტიტუტები, უნდა აირჩიონ ყველასგან მივიწყებული ბიზნესომბუდსმენის ინსტიტუტი, რომელიც პირადად პრემიერ-მინისტრს დაექვემდებარება,” — აცხადებს ბიზნესმენი.