2008 წლის აგვისტოს ომის დროს დაღუპულ სამხედრო მოსამსახურე რევაზ ალავერდაშვილს მცხეთის რაიონის სოფელ ნიჩბისის სასაფლაოზე დაკრძალავენ.
დაკრძალვას თავდაცვის მინისტრ ირაკლი ალასანიასთან ერთად ესწრებიან: საქართველოს პრემიერ-მინისტრი ბიძინა ივანიშვილი, იუსტიციის მინისტრი თეა წულუკიანი, შინაგან საქმეთა მინისტრი ირაკლი ღარიბაშვილი, დიასპორების საკითხებში სახელმწიფო მინისტრი კოტე სურგულაძე და სხვა მაღალჩინოსნები.
დაკრძალვის ცერემონიალი რამდენიმე წუთის წინ დაიწყო. დაღუპული სამხედროს საცხოვრებელი სახლის ეზოსთან საპატიო ყარაულია განთავსებული.