ქალაქის 2015 წლის ბიუჯეტთან დაკავშირებით შენიშვნები გამოთქმულია და ბიუჯეტი ქალაქის მერიაშია გადაგზავნილი. განცხადება ამის შესახებ დედაქალაქის საკრებულოს უმრავლესობის წევრმა დავით ზურაბიშვილმა "რეპორტიორის" პრესკლუბში გამართულ პრესკონფერენციაზე განაცხადა.
"დედაქალაქის ბიუჯეტთან დაკავშირებით, ყველა ფრაქციას საკმაოდ სოლიდური შენიშვნები ჰქონდა. ბიუჯეტი ამჯერად გადაგზავნილია მერიაში, რომელიც გვპირდება, რომ ამ შენიშვნებს გაითვალისწინებს.
შეიძლება, ეს შენიშვნები მერიამ ან გაითვალისწინოს, ან არა, თუმცა, გადმოგვიგზავნის და ჩვენ მას განვიხილავთ. ბიუჯეტში ჩანდა, რომ ინფრასტრუქტურული პროექტები ნაკლებად იყო წარმოდგენილი, დაგვპირდნენ, რომ ამ მხარეს შეავსებენ, ვნახოთ", - განაცხადა დავით ზურაბიშვილმა.