ქალთა მიმართ ძალადობასა და გენდერულ თანასწორობაზე ისაუბრა დღეს ივერიონის პრესკლუბში "საქართველოს ქალთა პარტია სამართლიანობისა და თანასწორობისათვის" თავმჯდომარემ ხათუნა მაჭავარიანმა. მისი თქმით მნიშვნელოვანია გაიზარდოს ქალების რიცხვი მთავრობასა და ადგილობრივი თვითმმართველობის ორგანოებში. მან ყურადღება შეაჩერა ქალთა პოლიტიკურ მონაწილეობაზე და განაცხადა, რომ აბსოლუტურად ეთანხმება ამ საკითხში პარლამენტის თავმჯდომარეს, რომლის თქმით ქალების ჩართულობისთვის ყველაფერი კეთდება.