პარლამენტის საგარეო ურთიერთობათა კომიტეტის თავმჯდომარე თედო ჯაფარიძის შეფასებით, რუსეთისა და საქართველოს წარმომადგენლებს შორის მაღალი რანგის შეხვედრის გამართვისთვის სათანადო ვითარება არ არის. აღნიშნული განცხადება პარლამენტის საგარეო ურთიერთობათა კომიტეტის თავმჯდომარემ თეოდო ჯაფარიძემ ჟურნალისტებთან თემის კომეტირებისას გააკთა.
ჯაფარიძე სერგეი ლავროვის განცხადებას გამოეხმაურა და აღნიშნა, რომ რუსეთისა და საქართველოს პრეზიდენტების შეხვედრა შედეგზე უნდა იყოს ორიენტირებული.
"არ მგონია, რომ დღეს, ამ მომენტისათვის, როცა ჩვენ ბატონი ლავროვისგან ამგვარ განცხადბებს ვისმენთ, სიტუაცია მისაღები იყოს - ყოველ შემთხვევაში ჩვენთვის, რომ შეხვედრა ამგვარ დონეზე გაიმართოს. შეხვედრა შედეგზე უნდა იყოს ორიენტირებული. არ მგონია, რომ დღეს რუსეთისა და საქართველოს წარმომადგენლებს შორის ასეთი მაღალი დონის შეხვედრა შედეგის მომტანი იყოს. მივიღოთ ფაქტად, რომ ლავროვმა ასეთი განცხადება გააკეთა. დაველოდოთ რა პოზიცია ექნება პრეზიდენტს, პრემიერს, საგარეო საქმეთა მინისტრს", - განუცხადა თედო ჯაფარიძემ.