ძველით ახალი წლის აღსანიშნავად რესტორან ,,ნაჭარმაგევში" გორის საკრებულოს წევრების მიერ გამართული სუფრა ჩხუბით დასრულდა. აღნიშნულ ინფორმაციას შიდა ქართლის საინფორმაციო ცენტრი ავრცელებს, ხოლო ჩხუბის ამსახველი ვიდეომასალა ადგილობრივმა ტელევიზიამ, „თრიალეთმა“ გაავრცელა. "ბურჯანაძის დედა.."-ისმის ვიდეოში. ვიდეოში ,,ბურჯანაძე-ერთიანი ოპოზიციის" წარმომადგენელი ზურაბ როსებაშვილი ჩანს. ვიდეო-კადრების მიხედვით, ქალაქ გორის საკრებულოს თავმჯდომარე პაპუნა კობერიძე ზურაბ როსებაშვილს იცავს.