ვეტო დაძლეულია, კანონი - პრეზიდენტის მიერ ხელმოწერილი. საზოგადოებაში მოლოდინია. ხალხი ფიქრობს, რომ ახალი კანონის მიღება მათ ყოფას უკეთესს გახდის.
საზოგადოების მოლოდინს სკეპტიკურად უყურებს ექსპერტი ეკონომიკურ საკითხებში დემურ გიორხელიძე, რომელმაც საკუთარი პოზიცია გაზეთ "ახალ თაობასთან" საუბარში დააფიქსირა.
"ყოფილმა პრემიერმა ორი შეცდომა დაუშვა: პირველი შეცდომა ის არის, რომ, რეფორმების გატარების ნაცვლად, ყველაფერი შეჩერდა და ჭაობში ჩაიძირა. მეორე შეცდომა კი განცხადებაა წამოცდენის თაობაზე. პოლიტიკაში წამოცდენა არ მოსულა! ეს მიანიშნებს ივანიშვილის პოლიტიკურ სისუსტეზე და იმაზე, რომ მან უბრალოდ არ იცოდა რა უნდა გაეკეთებინა!" - განაცხადა გიორხელიძემ.