"NATO-სკენ მიმავალ გზაზე აშკარაა, წინ მივიწევთ", - აცხადებს თავდაცვის და უშიშროების საპარლამენტო კომიტეტის თავმჯდომარე. როგორც ირაკლი სესიაშვილმა "ალიას" განუცხადა, სამხედროების საქმეა, შეაფასონ NATO-ს წევრობის სავარაუდო კანდიდატი ქვეყნის თავდაცვისუნარიანობა, შეიარაღებული ძალები, სამხედრო მოსამსახურეები რამდენად მზად არიან NATO-ს წევრობისთვის, რამდენად აკმაყოფილებენ მის სტანდარტებს სამხედრო კუთხით.
"NATO-ს სამხედრო ხელმძღვანელობამ არაერთხელ გაუსვა ხაზი იმას, რომ თუ ვინმე მზად არის NATO-ს წევრობისთვის თავისი სამხედრო კომპონენტებით, ეს არის საქართველო. ჩვენი სამხედროები მუდამ უმაღლეს შეფასებებს იმსახურებენ NATO-ს მოქმედი გენერალიტეტისგან. როდის უნდა გახდეს საქართველო NATO-ს წევრი, ამ გადაწყვეტილებას პოლიტიკოსები იღებენ და არა სამხედროები", - განაცხადა სესიაშვილმა.
ცნობისთვის, NATO-ს ყოფილი მთავარსარდალის მოადგილემ რიჩარდ შირეფმა განაცხადა, რომ საქართველოს NAთO-ში გაწევრიანებისთვის დიდხანს მოუწევს ლოდინი.