კოსმეტიკურ-პარფიუმერულ მაღაზიათა ქსელ „კოსმო+“-ის ახალი - რიგით მესამე ფილიალი სავაჭრო ცენტრ „სითი მოლი - გლდანში“ გაიხსნა. სავაჭრო ობიექტში თავის მოვლის საშუალებების ფართო ასორტიმენტია წარმოდგენილი.
„კოსმო+“ მომხმარებელს განსხვავებულ პროდუქციასა და მომსახურებას სთავაზობს. ქსელის მაღაზიებში წარმოდგენილია პოლონური და უკრაინული წარმოების, თანამედროვე ევროპული სტანდარტების შესატყვისი კოსმეტიკური საშუალებები, რომელიც ქალბატონებს (და არა მხოლოდ მათ) სილამაზის შენარჩუნებასა და თავის მოვლაში დაეხმარება. აღსანიშნავია, რომ „კოსმო+“-ში წარმოდგენილი პრეპარატები უმთავრესად ბუნებრივ კომპონენტებზეა დამზადებული, არ შეიცავს პარაბენებს და ჯანმრთელობისთვის საშიშ ნივთიერებებს. სასიამოვნოა ის ფაქტიც, რომ მომხმარებელს მისთვის საინტერესო პრეპარატის მოსინჯვის საშუალებაც აქვს, რაც კოსმეტიკური საშუალების სწორად შერჩევას საგრძნობლად აადვილებს.
კომპანიის დამფუძნებლის, რევაზ ამირეზაშვილის განმარტებით, „კოსმო+“-ის მაღაზიებში წარმოდგენილი პრეპარატები საშუალო სეგმენტზეა გათვლილი და ხელმისაწვდომი ფასით გამოირჩევა, თუმცა, განსაკუთრებული მოთხოვნების მქონე მომხმარებელს ქსელის სავაჭრო ობიექტებში პროფესიონალური კოსმეტიკის შეძენაც შეუძლია. ერთი სიტყვით, ქსელი ყველანაირი შემოსავლის მქონე მომხმარებელს შესაბამის პროდუქციას სთავაზობს.
„კოსმო+“-ში მუდმივად ზრუნავენ პერსონალის კვალიფიკაციის ამაღლებაზე, კონსულტანტებს სისტემატურად უტარდება ტრეინინგები, ცოდნის დონე და ხარისხი კი ტესტირების მეშვეობით მოწმდება. შესაბამისად, მომხმარებელი კოსმეტიკურ პრეპარატზე ამომწურავ ინფორმაციას იღებს, სახის, ტანისა თუ თმის მოვლის კუთხით კი - ინდივიდუალურ კონსულტაციას.
საგულისხმოა, რომ მომავალ თვეში გაიხსნება „კოსმო+“-ის კიდევ ერთი ახალი ფილიალი „ისანი მოლში“, „ვარკეთილის“ მეტროს სადგურთან მდებარე სავაჭრო ცენტრში კი ამოქმედდება კომპლექსი, რომელიც კოსმეტიკურ-პარფიუმერულ სუპერმარკეტს, სილამაზის სალონს, კოსმეტიკურ კაბინეტს და სილამაზის ინდუსტრიის სხვადასხვა მიმართულების ობიექტებს მოიცავს.
კომპანია საქართველოში პოლონური მარკების „Bielenda”-ს, “Farmona”-ს, “Lirene”-სა და უკრაინული სამეცნიერო-საწარმოო გაერთიანება „ბიოკონის“ ოფიციალური დისტრიბუტორია.
