ჯაშუშობაში ბრალდებული ფოტორეპორტიორების საქმესთან დაკავშირებით, ვიდეომასალა ვრცელდება, სადაც ჩანს, თუ როგორ ახდენდნენ ზეწოლას "კუდის" თანამშრომლები დაკავებულ ფოტოგრაფებზე, რათა მათ ადვოკატებზე უარი ეთქვათ.
ფოტორეპორტიორებზე ზეწოლის ამსახველ ვიდეომასალას დღეს პროკურატურას წარუდგენენ.
გიორგი აბდალაძე გაზეთ "ქრონიკისთვის" მიცემულ ინტერვიუში საუბრობს, რომ არსებობს სხვა ვიდეოჩანაწერებიც, რომელიც საქმის უსაფუძვლობას ადასტურებს და მათი გამოქვეყნება მოგვიანებით მოხდება.
ვიდეომასალა გლდანის მე-8 საპყრობილეში ფარული ვიდეოკამერით არის ჩაწერილი და ეს მასალა გიორგი აბდალაძემ მოიპოვა.