საქართველოში „მწვანე ბიზნესის“ ხელშეწყობის სტრატეგია განვითარდებაგარემოს დაცვის სამინისტრო „მწვანე ბიზნესის“ სტატეგიის განვითარების ხელშეწყობას გეგმავს.
მინისტრ ხათუნა გოგალაძის განცხადებით, აუცილებელია ქართული ბიზნესსექტორის წახალისება, რათა ციკლის წარმოება და პროდუქტი იყოს ჯანსაღი. მისივე თქმით, პირველ ეტაპზე იმ კომპანიების სია შეიქმნება, რომლებიც გარემოს დაცვის ეკოლოგიურ მოთხოვნებს შეესაბამებიან.
„ამ კომპანიების სია ჩვენს ვებ-გვერდზე გამოქვეყნდება. ვფიქრობ ეს პოზიტიურად იმოქმედებს, როგორც მათ იმიჯზე, ასევე ბიზნესპარტნიორებთან ურთიერთობაზე“, - განაცხადა გარემოს დაცვის მინისტრმა ხათუნა გოგალაძემ.
ამასთან, მინისტრმა დასძინა, რომ ISO 14 001 სერთიფიქატების პრაქტიკაში დანერგვას გეგმავს.