დღეს რუსეთმა, ბელორუსმა და ყაზახეთმა ევრაზიული ეკონომიკური კავშირის შესახებ შეთანხმებას მოაწერეს ხელი.
რუსული მედიის ცნობით, შეთანხმებას სამი ქვეყნის ლიდერებმა – ვლადიმერ პუტინმა, ალექსანდრე ლუკაშენკომ და ნურსულთან ნაზარბაევმა ასტანაში მოაწერეს ხელი. შეთანხმების თანახმად, ევრაზიული ეკონომიკური კავშირის მონაწილე ქვეყნები საქონლის, მომსახურების, კაპიტალისა და სამუშაო ძლის თავისუფლად გადაადგილების გარანტიებს იღებენ. ამასთან, კავშირის მონაწილე ქვეყნები შეთანხმებულ პოლიტიკას გაატრებენ ენერგეტიკის, მრეწველობის, სოფლის მეურნეობისა და ტრანსპორტის სფეროებში. შეთანხმება ძალაში 2015 წლის 1 იანვრიდან შევა.