"კვლევებს, რომელსაც რუსული მხარე აქვეყნებს, მაინცდამაინც ნდობით ვერ მოვეკიდები"
ამის შესახებ უშიშროების საბჭოს მდივანმა ირინე იმერლიშვილმა კვლევასთან დაკავშირებით განაცხადა, რომლის თანახმად, ოკუპირებულ აფხაზეთში მოსახლეობის 75% რუსეთთან მჭიდრო ურთიერთობის მომხრეა.
"ეს ტერიტორიები არის ოკუპირებული. შესაბამისად, ყველა საერთაშორისო ორგანიზაციას ვეუბნებით, რომ ეს არის ჩვენი ტერიტორია, სადაც ოკუპანტია რუსეთი. ყველა საერთაშორისო ფორუმზე ამას ვაჟღერებთ. არის არაღიარების პოლიტიკა სერიოზულად მხარდაჭერილი. შესაბამისად, ასეთი ტიპის კვლევებს, რომელსაც რუსული მხარე აქვეყნებს, მე მაინდამაინც ნდობით არ მოვეკიდები", – განაცხადა იმერლიშვილმა.