საქართველოს პრეზიდენტისადმი ირაკლი ღარიბაშვილის უკმაყოფილებას დევნილთა მინისტრი სოზარ სუბარიც იზიარებს. მისი თქმით, მიხეილ სააკაშვილის მიმართ წაყენებული ბრალდებები მკაფიო იყო და პრეზიდენტს დოკუმენტზე გრიფით საიდუმლოს მოხსნასთან დაკავშირებით გადაწყვეტილება უმოკლეს დროში უნდა მიეღო.
"როდესაც არსებობს სახელმწიფო უზრუნველყოფის სამსახური და არსებობს პრეზიდენტის ადმინისტრაცია, რომლებიც გაიღებენ ყველა ლეგალურ ხარჯს, რაც სახელმწიფო ვიზიტებისთვის არის საჭირო და ამ დროს საიდუმლო ხარჯებიდან აფინანსებს ქალაქის მერის გახდომის პროცედურებს და თავის გართობას, ეს არის ძალიან მძიმე დანაშაული და შეიცავს კორუფციის მძიმე ნიშნებს. ცხადია ამაზე გამოძიება უნდა დაიწყოს", - განაცხადა სუბარმა.