საქართველოს საგარეო საქმეთა მინისტრმა საქართველოსთვის უელსის სამიტის მნიშვნელობა შეაფასა. მინისტრის თქმით საქართველო 28+4 ასპირანტის შეხვედრაზეა წარმოდგენილი.
"ეს პაკეტი შეიცავს ყველაფერს, რაც ბევრად უფრო გააძლიერებს საქართველოს თავდაცვისუნარუანობას და აგრეთვე კიდევ უფრო მოამზადებს საქართველოს იმისათვის, რომ გახდეს უფრო თავსებადი ნატოსთან და მოახერხოს მასში ინტეგრაცია.
საქართველო არის 28+4 ასპირანტის შეხვედრაზე წარმოდგენილი. საგარეო საქმეთა მინისტრების დონეზე, ეს იმას ნიშნავს, რომ ეს ოთხი ქვეყანა არის ყველაზე უფრო მიახლოებული ნატოსთან და როგორც კი იქნება ნატოს შემდგომი გაფართოების სამიტი, ეს ოთხი ქვეყანა იქნება პირველ რიგში მათ შორის, რომლებსაც შეეხება ეს პოლიტიკა." - განაცხადა მაია ფანჯიკიძემ.