ბოლო დღეებია საზოგადოება მერიიდან თანამშრომლების სამსახურიდან საკუთარი ნებით წასვლაზე საუბრობს. გავრცელდა ინფორმაცია, რომ თანამშრომლებს განცხადებების დაწერას აიძულებენ, მოტივად კი იმ გარემოებას უსახელებენ, რომ ახალი გუნდის წევრები არ არიან.
დედაქალაქის მერი დავით ნარმანია მისი უწყებიდან თანამშრომელთა გათავისუფლების შესახებ გავრცელებულ ინფორმაციას ეხმიანება და აცხადებს:
-"არაპროფესიონალები ტოვებენ მერიის სისტემას და მომავალშიც თუ იქნება ისეთი ადამიანი, რომელიც ვერ ან არ შეასრულებს დავალებას, რომელიც საბოტაჟით იქნება დაკავებული, ან რომლის საქმიანობაც კვალიფდიკაციას არ შეესაბამება, რა საკვირველია, მომავალში დატოვებენ მერიის სისტემას. ჩვენ ძალიან ბევრი საქმე გვაქვს გასაკეთებელი, ამდენად არაპროფესიონალი და საქმის არმკეთებელი ადამიანების ადგილი თბილისის მერიაში ვერ იქნება".