"ჩვენი ქვეყნის გავლით ხდება შაჰდენიზის მე-2 ფაზის პროექტის განხორციელება. დამატებითი მოცულობები დარჩება ქვეყანას, 16 მილიარდამდე გაიზრდება გამტარუნარიანობა", - აღნიშნული განცხადება აზერბაიჯანში ოფიციალური ვიზიტით მყოფმა ვიცე-პრემიერმა კახა კალაძემ გააკეთა.
საქართველოს დელეგაცია პრემიერ-მინისტრის ხელმძღვანელობით, აზერბაიჯანში იმყოფება. პრემიერმა ბუნებრივი აირის სამხრეთ დერეფნის საძირკვლის ჩაყრის ცერემონიაში მიიღო მონაწილეობა.
"საინტერესოა იმ მხრივ, რომ საქართველოში დაახლოებით, 700-დან 800 მილიონამდე ინვესტიცია განხორციელდება, რაც ნიშნავს იმას, რომ ბევრი ადამიანი იქნება დასაქმებული. სამუშაო ადგილები შეიქმნება. რაც ყველაზე მთავარი და მნიშვნელოვანია, ჩვენს ქვეყანას დამატებითი მოცულობის გაზი დარჩება", - განაცხადა კალაძემ.