სპორტის და ახალგაზრდობის საქმეთა მინისტრმა ლევან ყიფიანმა მოჭიდავეებთან შეხვედრის დაწყების წინ განაცხადა, რომ არსებული პრობლემის მოგვარება ერთიანი ძალებით არის შესაძლებელი.
"ფედერაცია მოქმედებს და ხელმძღვანელობს არსებული წესდებით. აქ გადაცდომებს არ აქვს ადგილი, უბრალოდ, ყველამ თავისი საქმე უნდა გააკეთოს. ჩვენ ერთიანი ძალისხმევით შეგვიძლია ამ პრობლემის მოგვარება, თუ, რა თქმა უნდა, სურვილი იქნება მისი მოგვარების. ულტიმატუმებით საუბარი არავის გაუვა",- განაცხადა ყიფიანმა.