2014 წლის 10-11 ოქტომბერს ლატვიის დედაქალაქ რიგაში გაიმართა საერთაშორისო ტურნირი სპორტის ოლიმპიურ სახეობა ტაეკვონდოში.
საერთაშორისო ტურნირში 5 ქართველი სპორტსმენი მონაწილეობდა, რომლებმაც მნიშვნელოვანი წარმატების მიღწევა შეძლეს.
აღნიშნული ტურნირის ჩემპიონები ანი ბარბაქაძე (46 კგ) და რატი მანაგაძე (48კგ) გახდნენ.
ვერცხლის მედლები მოიპოვეს დათო ჩიხლაძემ (63კგ) და ლევან დოღონაძემ (51კგ) III - ადგილის მფლობელი გახდა ვერიკო კაპანაძე (44კგ).
ასევე, აღსანიშნავია ისიც, რომ აღნიშნულ ჩემპიონატს წინ უძღოდა ქართველების წარმატება პოლონეთის საერთაშორისო ტურნირზე (20-21 სექტემბერი) სადაც 27 ქვეყნის 800-ზე მეტი სპორტსმენი მონაწილეობდა. პოლონეთის საერთაშორისო ტურნირზე ოთხმა ქართველმა შეძლო მედლების მოპოვება:
I ადგილი - ბადრი პაკსაშვილი (55კგ)
II ადგილი - ბექა ქავთარაძე (45კგ)
III ადგილი - გიორგი ხურცილავა (51კგ)
III ადგილი - ლევან დოღონაძე (51კგ)
ინფიორმაცია მოგვაწოდა საქართველოს ტაეკვონდოს ფედერაციამ
