ჟურნალისტი ირმა ინაშვილი facebook-ის საკუთარ გვერდზე 14 დეკემბერს ბათუმში, ერას მოედანზე აქციას აანონსებს.
მისი თქმით, 2012 წლის შემდეგ ქვეყანაში რადიკალურად არაფერი შეცვლილა, მკვლელები კვლავ ადამიანის სიცოცხლის უზენაესობაზე საუბრობენ.
"2012 წლის ოქტომბერში, როცა ბრიუსელიდან თბილისში მოვფრინავდი, დარწმუნებული ვიყავი, რომ ახალ ქვეყანაში ვბრუნდებოდი... მიხაროდა, რომ დავასრულე მეგაფონით სირბილი, პლაკატების ხატვა და მიტინგებზე გაყინვა. ახალ ქვეყანაში კი დავბრუნდი, მაგრამ ძველ მოცემულობაში აღმოვჩნდი... უარესშიც, იმ გაგებით, რომ... ახლა ზონდერი მასწავლის, რა არის დემოკრატია... ხოლო მიწების გამჩუქებელი მმოძღვრავს, რა ცუდია ანექსია... მკვლელი კი, ადამიანის სიცოცხლის უფლების უზენაესობაზე საუბრობს... დოქსოპულოებო, თქვენ, მართლა, დედა გყავთ?! და ამ ჩემთვის სანუკვარ, ახალ ქვეყანაში კვლავ ვხატავ პლაკატებს... კვლავ გარეთ ვარ... 14 დეკემბერს, დღის 3 საათზე, ბათუმში, ერას მოედანზე შევხვდებით..." - წერს ირმა ინაშვილი .