ივერიონი / სამზეოს ზარი!

სამზეოს ზარი!

სამზეოს ზარი!

 

ზურა გოგრიჭიანი

 

საქართველოში,ავი ზნე მძლავრობს,

თავზარდამცემი ჩამოწვა ჟამი,

შური, ბოღმა და სიხარბე მრავლობს,

ურთიერთს ვწამლავთ გესლით და შხამით!..

წინაპართ სიბრძნის აღარ-რა გვესმის,

ქვეყანა ირგვლივ - ბინდისფერია,

არც "ქუდზე კაცი!" აღარ გაისმის,

არც "ოდოიას" აღარ მღერიან!..

თითქოს ხელახლა, ძველი დრო დადგა,

შიგნიდან გატყდა ციხე - ყოველი,

ერმა მხნეობა დაჰკარგა, რადგან-

რადგანაც "შველას"- სხვისგან მოველით!..

ჩვენ მიგვაჩვიეს!- შიშსა და ძრწოლას,

და თუ კაცი ხარ, ნუ გაგიჟდები!

გადაგვაჩვიეს!- ფიქრსა და ბრძოლას,

სამშობლოსათვის!- თავდავიწყებით!..

ხელგაწვდილები, საბრალო სახით,

ვდგავართ და ველით "მხსნელს" თუ "მესიას"

მოტყუებულებს!- ცრუ იმედებით,

რამდენჯერ!- მწარედ დაგვიკვნესია!..

დროა!- წავშალოთ ჩვენს შორის ბზარი,

დროა!- შევიცნოთ დედულ-მამული!

დროა!- "საერო სამზეოს" ზარით

ითქვას სათქმელი!- დღემდე ართქმული!..

ყველას "საერო სამზეო" გვიხმობს!

უნდა ვირწმუნოთ!- ჩვენშია ღმერთი!

ცოდვილ სიმდიდრეს, მამული გვიჯობს!

არდასათმობი და ერთადერთი!

მხოლოდ "საერო სამზეოს" ძალუძს,

კვლავ დაგვიბრუნოს გზა - დაკარგული!

ფარდა აჰხადოს საგანძურს - ფარულს!

ქართულს ამსგავსოს ისევ - ქართული!

მაშინ ვიბრძენებთ, როცა მივხვდებით,

ვინ არის ყალბი და ვინ მართალი,

მაშინ აღვსდგებით ერი!- დიდებით!

და... დაივანებს ღვთის სამართალი!..

გავერთმთლიანდეთ!- სანამ დრო არის,

რომ მერე, მართლა!- არ იყოს გვიან!..

ჭეშმარიტების ჩამოვჰკრათ ზარი!

ჩვენს ხსნას "საერო სამზეო" ჰქვია!..

 

4-07-2014, 00:11
უკან დაბრუნება